యూఏఈ: దుబాయ్‌లోని అల్ ఖుసైస్‌లో 3,000 మంది విద్యార్థుల సామర్థ్యంతో కొత్త అకాడమిక్ మెడికల్ సిటీ ప్రారంభమైంది. ఈ అకాడమిక్ ద్వారా దాదాపు 1,000 ఉద్యోగాలు సృష్టించవచ్చని భావిస్తున్నారు. క్యాంపస్ ఒకే చోట వైద్య విద్య, పేషంట్ సంరక్షణ మరియు పరిశోధన సౌకర్యాలను ఏర్పాటు చేయనున్నారు. తుంబే గ్రూప్ ప్రారంభించిన ఈ ప్రాజెక్ట్‌లో గల్ఫ్ మెడికల్ యూనివర్సిటీ బ్రాంచ్ క్యాంపస్ మరియు యూనివర్సిటీ హాస్పిటల్, పరిశోధనా కేంద్రాలు, సిమ్యులేషన్ ల్యాబ్‌లు, ఫార్మసీలు మరియు డయాగ్నస్టిక్ సేవలు ఉంటాయని తుంబే గ్రూప్ వ్యవస్థాపక అధ్యక్షుడు డాక్టర్ తుంబే మొయిదీన్ తెలిపారు. ఈ ప్రాజెక్ట్ విద్య, ఆరోగ్య సంరక్షణ మరియు పరిశోధనలను ఒకే వైద్య క్యాంపస్‌లో అనుసంధానిస్తుందని అన్నారు.