మనామా: బహ్రెయిన్ లో 46 ఏళ్ల మహిళకు మొదటి హై క్రిమినల్ కోర్టు 10 సంవత్సరాల జైలు శిక్ష, BD5,000 జరిమానా విధించింది. ఓ యూరోపియన్ దేశం నుండి వచ్చిన పోస్టల్ ప్యాకేజీలో ఫుడ్ ఐటమ్స్, స్వీట్ల మాటున మాదకద్రవ్యాలను దాచి ఉంచినట్లు గుర్తించిన తర్వాత, అధికారులు ఆమెపై కేసు నమోదు చేశారు. 

ఒక కస్టమ్స్ అధికారికి ఆ ప్యాకేజీపై అనుమానం రావడంతో ఎక్స్-రే స్కాన్‌ చేయగా డ్రగ్స్ దాచిన విషయం బయటపడింది.  ప్యాకేజీలోని స్వీట్ల మధ్యలో దాచిపెట్టిన దాదాపు 194 గ్రాముల బరువున్న మారిజునా ను స్వాధీనం చేసుకున్నట్టు అధికారులు తెలిపారు.