కువైట్: కువైట్ లో ఈ వీకెండ్ లో మిశ్రమ వాతావరణం ఉంటుందని ప్రకటించారు. పొగమంచు తోపాటు పగటి సమయంలో వేడి వాతావరణం ఉండే అవకాశం ఉందని, రాత్రిపూట చల్లని పరిస్థితులు ఉంటాయని వాతావరణ శాఖ తెలిపింది.

గరిష్ట ఉష్ణోగ్రతలు 26 మరియు 28 డిగ్రీల సెల్సియస్ మధ్య ఉంటాయని, గాలులు గంటకు 10 నుండి 32 కి.మీ వరకు వీస్తాయని తెలిపింది. ఇక కనిష్ట ఉష్ణోగ్రతలు 14 మరియు 16 డిగ్రీల సెల్సియస్ మధ్య ఉంటాయి. సముద్ర తీరాల్లో అలలు 4 అడుగుల ఎత్తు వరకు ఉంటాయని వెల్లడించారు.