యూఏఈ: స్మార్ట్ అండ్ అటానమస్ సిస్టమ్స్ కౌన్సిల్ పర్యవేక్షణలో ఇంటిగ్రేటెడ్ ట్రాన్స్‌పోర్ట్ సెంటర్ (అబుదాబి మొబిలిటీ).. అపోలో గో మరియు ఆటోగోతో భాగస్వామ్యంతో యాస్ ఐలాండ్ లో అటానమస్ టాక్సీల వాణిజ్య కార్యకలాపాలను విస్తరించింది.   

ఈ విస్తరణ అబుదాబి మొబిలిటీ సామర్థ్యాన్ని పెంచడంతోపాటు  స్వయంప్రతిపత్త రవాణా సేవలను విస్తరించే ప్రణాళిక ను బలోపేతం చేయనుంది.  అపోలో గో మరియు ఆటోగో ప్రస్తుత పర్యావరణ వ్యవస్థలో అదనపు ఆపరేటర్లుగా చేరాయి.  నివాసితులు మరియు సందర్శకులకు సేవా ఎంపికలను మెరుగుపరుస్తాయని అధికారులు తెలిపారు.  

అటానమస్ మొబిలిటీలో ఎమిరేట్ గణనీయమైన పురోగతి సాధిస్తోంది. ఫిబ్రవరి 26న, టెస్లా అబుదాబిలో దాని సెల్ఫ్-డ్రైవింగ్ కార్ల పర్యవేక్షణలో రోడ్ ట్రయల్స్‌ను ప్రారంభించింది. ఈ ట్రయల్స్ భవిష్యత్ ట్రాన్స్ పోర్ట్ పరిష్కారాల కోసం ఎమిరేట్ సంసిద్ధతను పెంచడానికి అబుదాబి విస్తృత వ్యూహంలో భాగంగా అమలు చేస్తున్నారు. స్మార్ట్ మరియు అటానమస్ సిస్టమ్స్ కౌన్సిల్ మద్దతుతో ఇంటిగ్రేటెడ్ ట్రాన్స్‌పోర్ట్ సెంటర్ (అబుదాబి మొబిలిటీ), ఎమిరేట్‌లో ఈ మొట్టమొదటి రకమైన ట్రయల్స్‌ను పర్యవేక్షిస్తోంది.