రియాద్: ఇరాన్‌తో సుదీర్ఘ యుద్ధాన్ని సౌదీ నాయకత్వం ప్రోత్సహిస్తోందని ది న్యూయార్క్ టైమ్స్ ప్రచురించిన నివేదికను ఒక సౌదీ వర్గం ఖండించింది.ఆ నివేదిక అవాస్తవమని ఆ వర్గాలు స్పష్టం చేశాయి.  సౌదీ యువరాజు మహమ్మద్ బిన్ సల్మాన్, అమెరికా అధ్యక్షుడు డొనాల్డ్ ట్రంప్‌కు ఇరాన్‌ను కఠినంగా దెబ్బతీయడం కొనసాగించాలని సలహా ఇచ్చారని ది న్యూయార్క్ టైమ్స్ ఆదివారం నివేదించింది.

ఈ నెల ప్రారంభంలో, ఇరాన్‌ పై దాడి చేయమని సౌదీ అరేబియా ట్రంప్‌పై రహస్యంగా ఒత్తిడి తెస్తోందని ది వాషింగ్టన్ పోస్ట్ ప్రచురించిన నివేదికను వాషింగ్టన్‌లోని సౌదీ రాయబార కార్యాలయం కూడా తిరస్కరించింది.

ఈ ప్రాంతంలో సైనిక ఘర్షణను నివారించడానికి కృషి చేస్తున్న గల్ఫ్ దేశాలలో సౌదీ అరేబియా ఒకటని.. అలాగే, భవిష్యత్తులో జరగబోయే ఏ యుద్ధంలోనూ తాము పాల్గొనబోమని బహిరంగంగా ప్రకటించింది సౌదీ అరేబియా.