దోహా: ఇరాన్ దాడుల కారణంగా ఖతార్‌ఎనర్జీ (QatarEnergy)కి చెందిన 'రాస్ లాఫాన్ ఇండస్ట్రియల్ సిటీ'లో భారీ నష్టం సంభవించింది. దీని కారణంగా వార్షిక ఆదాయంలో సుమారు $20 బిలియన్ల మేర నష్టం వాటిల్లుతుందని, ఆ నష్టాన్ని పూరించడానికి (మరమ్మతులకు) ఐదేళ్ల వరకు సమయం పడుతుందని ఖతార్‌ఎనర్జీ అంచనా వేస్తోంది. దీనివల్ల ఐరోపా మరియు ఆసియా మార్కెట్లకు ఇంధన సరఫరాపై ప్రభావం పడనుంది.

రాస్ లాఫాన్ ఇండస్ట్రియల్ సిటీలోని సదుపాయాలకు జరిగిన నష్టంపై తాజా వివరాలను ఇంధన వ్యవహారాల శాఖ సహాయ మంత్రి, ఖతార్‌ఎనర్జీ అధ్యక్షుడు, CEO సాద్ షెరిదా అల్-కాబీ వెల్లడించారు. ఇవి కేవలం ఖతార్ పై జరిగిన దాడులు మాత్రమే కాదు, ప్రపంచ ఇంధన భద్రత మరియు స్థిరత్వంపై జరిగిన దాడులు కూడా అని పేర్కొన్నారు. ఇంధన లభ్యత ద్వారా కొనసాగే అభివృద్ధి మరియు మానవ ప్రగతి కోసం నిలబడే తమ అందరిపై జరిగిన దాడి ఇది అని అన్నారు. 

ఈ దాడుల వల్ల ద్రవీకృత సహజ వాయువు (LNG) ఉత్పత్తి చేసే 'ట్రైన్ 4' మరియు 'ట్రైన్ 6' అనే రెండు యూనిట్లు దెబ్బతిన్నాయి. వీటి మొత్తం ఉత్పత్తి సామర్థ్యం సంవత్సరానికి 12.8 మిలియన్ టన్నులు (MTPA) కాగా, ఇది ఖతార్ మొత్తం LNG ఎగుమతుల్లో సుమారు 17 శాతానికి సమానం అని తెలిపారు.

ఇక LNG కేంద్రాలకు వాటిల్లిన నష్టాన్ని సరిచేయడానికి మూడు నుండి ఐదు సంవత్సరాల సమయం పడుతుందన్నారు. దీని ప్రభావం చైనా, దక్షిణ కొరియా, ఇటలీ మరియు బెల్జియం దేశాలపై పడుతుందని పేర్కొన్నారు. 

ఈ దాడులు 'Pearl GTL' (Gas-to-Liquids) కేంద్రాన్ని కూడా లక్ష్యంగా చేసుకున్నాయని తెలిపారు. Shell సంస్థ నిర్వహించే ఉత్పత్తి భాగస్వామ్య ఒప్పందం (Production Sharing Agreement) కింద నడిచే ఈ కేంద్రం, సహజ వాయువును (Natural Gas) అధిక నాణ్యత గల, స్వచ్ఛంగా మండే ఇంధనాలుగా మారుస్తుందని వివరించారు. అంతేకాకుండా ప్రీమియం ఇంజిన్ ఆయిల్స్, లుబ్రికెంట్స్ (Lubricants), పారాఫిన్‌లు మరియు మైనాలను తయారు చేయడానికి ఉపయోగపడే 'బేస్ ఆయిల్స్'ను కూడా ఉత్పత్తి చేస్తుందన్నారు. 

“Pearl GTLలోని రెండు ఉత్పత్తి విభాగాలలో (Trains) ఒకదానికి వాటిల్లిన నష్టాన్ని ప్రస్తుతం అంచనా వేస్తున్నామని, ఇది కనీసం ఒక సంవత్సరం పాటు పనిచేయకుండా నిలిచిపోతుందని (Offline) భావిస్తున్నట్టు అల్-కాబీ తెలిపారు.

ఈ సరఫరాలలో అంతరాయం కారణంగా కింది అనుబంధ ఉత్పత్తుల ఉత్పత్తిలో నష్టం వాటిల్లుతుందని తెలిపారు.

- Condensates (ద్రవీకృత వాయువులు): 18.6 మిలియన్ బ్యారెళ్లు (ఇది ఖతార్ ఎగుమతులలో సుమారు 24%)

- LPG: 1.281 MT (ఇది ఖతార్ ఎగుమతులలో సుమారు 13%)

- Naphtha: 0.594 MT (ఇది ఖతార్ ఎగుమతులలో సుమారు 6%)

- Sulfur (గంధకం): 0.18 MT (ఇది ఖతార్ ఎగుమతులలో సుమారు 6%)

- Helium: 309.54 MCFA (ఇది ఖతార్ ఎగుమతులలో సుమారు 14%)