యూఏఈ: ఈద్ అల్-ఫితర్ ఉదయం వేకువజామున యూఏఈ అంతటా ఒక నిశ్శబ్ద ప్రశాంతత నెలకొన్నది.ప్రత్యేక ఈద్ ప్రార్థనల కోసం మసీదులకు పోటెత్తారు. మసీదుల బయట పండుగ శోభ కనిపించింది. కొత్త బట్టలు వేసుకున్న పిల్లలు తమ తల్లిదండ్రులను అంటిపెట్టుకుని ఉత్సాహంగా కనిపించారు. అందరూ ఈద్ ముభారక్ అంటూ ఐక్యత మరియు ఆధ్యాత్మికతను చాటిచెప్పారు.

యూఏఈ వ్యాప్తంగా మసీదులలో సైతం ఐకమత్య భావన వెల్లివిరిసింది. ఆప్యాయమైన చిరునవ్వులు, మృదువైన “ఈద్ ముబారక్” శుభాకాంక్షలు, దీర్ఘంగా సాగే ఆలింగనాలు అద్భుత క్షణాలను ప్రతిబింబించాయి.  

ఇమామ్ స్వరం ప్రార్థనలకు మార్గనిర్దేశం చేసిన సమయంలో కనిపించిన నిశ్శబ్దం మెల్లగా తొలగిపోయి వేడుకగా మారింది. ఆరాధకులు ఒకరినొకరు ఆలింగనం చేసుకుని, మరోసారి శుభాకాంక్షలు తెలుపుకుని, భరోసా, ఐక్యత చాటిచెబుతూ కొత్త ఆశలకు స్వాగతం పలికారు.