జెడ్డా: సౌదీ అరేబియాలో 88 రోజులు, 23 గంటలు, 41 నిమిషాల పాటు కొనసాగిన వింటర్ సీజన్ ముగిసింది. అధికారికంగా మార్చి 20న స్ప్రింగ్ సీజన్ ప్రారంభమైందని జెడ్డా ఖగోళ సొసైటీ అధ్యక్షుడు మజేద్ అబు జహ్రా తెలిపారు. మక్కా కాలమానం ప్రకారం సాయంత్రం 5:46 గంటలకు ఖగోళ లెక్కల ప్రకారం స్ప్రింగ్ సీజన్ ప్రారంభమైందన్నారు. 

ఈ సమయంలో సూర్యుడు భూమధ్యరేఖకు సరిగ్గా పైన ఉంటాడని, దక్షిణం నుండి ఉత్తరానికి ఖగోళ భూమధ్యరేఖను దాటుతున్నట్లు కనిపిస్తాడని, దాని కాంతి ఉత్తర, దక్షిణార్ధగోళాల మధ్య దాదాపు సమానంగా ఉంటుందని ఉంటుందని ఆయన వివరించారు.

ఇదే సమయంలో ప్రపంచంలోని చాలా ప్రాంతాలలో పగలు, రాత్రి సమయాలు దాదాపు సమానంగా ఉంటాయని, అయితే పగటి సమయం కొన్ని నిమిషాలు ఎక్కువగా ఉంటుందని అబు జహ్రా పేర్కొన్నారు. ఆ రోజున సూర్యుడు సరిగ్గా తూర్పున ఉదయించి, సరిగ్గా పశ్చిమాన అస్తమిస్తాడని, ఇలాంటిది సంవత్సరానికి రెండుసార్లు మాత్రమే సంభవిస్తుందని ఆయన తెలిపారు.

జూన్ 21న సమ్మర్ సీజన్ ప్రారంభమయ్యే వరకు, అంటే సుమారు 92 పగళ్ళు, 17 గంటల 40 నిమిషాల పాటు స్ప్రింగ్ సీజన్ కొనసాగుతుందని అంచనా వేసినట్లు వెల్లడించారు.