మస్కట్: ఉత్తర అల్ బతినా గవర్నరేట్‌లోని సోహార్‌లో ఉన్న ఒక టైర్ ఫ్యాక్టరీలో భారీ అగ్నప్రమాదం చోటుచేసుకుంది. సంఘటనా స్థలానికి చేరుకున్న సివిల్ డిఫెన్స్ మరియు అంబులెన్స్ అథారిటీకి చెందిన అగ్నిమాపక బృందాలు మంటలను విజయవంతంగా ఆర్పివేశాయి. ఈ ఘటనలో ముగ్గురు వ్యక్తులు గాయపడ్డారు. వారికి ఘటనా స్థలంలోనే అత్యవసర వైద్య సంరక్షణ అందించిన తర్వాత, మెరుగైన చికిత్స కోసం ఆసుపత్రికి తరలించారు.

పోలీసుల అదుపులో పలువురు మహిళలు
ప్రజా నైతిక విలువలను ఉల్లంఘించడం, బహిరంగ ప్రదేశాల్లో అసభ్యకరమైన దుస్తులు ధరించడం, కార్మిక మరియు విదేశీ నివాస చట్టాలను ఉల్లంఘించినందుకు ఆసియా మరియు ఆఫ్రికాకు చెందిన మహిళలను మస్కట్ గవర్నరేట్ పోలీస్ కమాండ్ అదుపులోకి తీసుకుంది. వారిపై ప్రస్తుతం చట్టపరమైన చర్యలు కొనసాగుతున్నాయని అధికారులు పేర్కొన్నారు.