రియాద్ః సౌదీ అరేబియాలోని చాలా ప్రాంతాల్లో రాబోయే నాలుగు రోజులపాటు మోస్తరు నుండి భారీ వర్షాలు కురుస్తాయని జాతీయ వాతావరణ కేంద్రం తెలిపింది. అసిర్, జాజాన్, నజ్రాన్, అల్-బాహా, మక్కా, రియాద్, తూర్పు ప్రావిన్స్, ఖాసిమ్ మరియు ఉత్తర సరిహద్దు ప్రాంతాలలో ప్రభావం అధికంగా ఉంటుందన్నారు. ప్రజలు తమ వెబ్‌సైట్, సోషల్ మీడియా వేదికలు మరియు 'అన్వా' (Anwaa) యాప్ ద్వారా అధికారిక వాతావరణ తాజా సమాచారం మరియు హెచ్చరికలను ఎప్పటికప్పుడు తెలుసుకోవాలని వాతావరణ కేంద్రం సూచించింది.
ప్రజలు అప్రమత్తంగా ఉండాలని, వరద ముప్పు ఉన్న ప్రాంతాలకు మరియు లోయలకు దూరంగా ఉండాలని, అలాగే వాటిలో ఈత కొట్టవద్దని పౌర రక్షణ విభాగం (General Directorate of Civil Defense) విజ్ఞప్తి చేసింది. ఈ వాతావరణ పరిస్థితుల సమయంలో భద్రతా సూచనలను తప్పక పాటించాలని, ప్రమాదకర ప్రాంతాలకు దూరంగా ఉండాలని అధికారులు తెలియజేశారు.