రియాద్: కార్మిక చట్ట నిబంధనలను ఉల్లంఘించిన 14 రిక్రూటింగ్ ఆఫీసులను మానవ వనరులు మరియు సామాజిక అభివృద్ధి మంత్రిత్వ శాఖ (MHRSD) సీజ్ చేసింది. 2026 మొదటి త్రైమాసికంలో రిక్రూటింగ్ కార్యాలయాల్లో నిర్వహించిన తనిఖీల సందర్భంగా ఈ చర్యలు తీసుకున్నట్లు తెలిపింది.

నియామక రంగంలో నిబంధనల పాటింపు స్థాయిలను పెంచడం మరియు అన్ని పక్షాల హక్కులను పరిరక్షించడం కోసం నిరంతర ప్రయత్నాలలో భాగంగా ఈ తనిఖీలు చేపట్టినట్లు మంత్రిత్వ శాఖ వెల్లడించింది.

14 నియామక కార్యాలయాలలో అనేక ఉల్లంఘనలను గుర్తించినట్లు తెలిపింది. మూడు నియామక కార్యాలయాలను తక్షణమే సస్పెండ్ చేయగా, నిర్దేశిత కాలపరిమితిలోగా ఉల్లంఘనలను సరిదిద్దడంలో విఫలమైన మరో 11 కార్యాలయాల లైసెన్సులను రద్దు చేసినట్లు పేర్కొంది. 

నియామక కార్యకలాపాలు మరియు కార్మిక సేవా నిబంధనలను ఉల్లంఘించడం, లబ్ధిదారులకు చెల్లించాల్సిన నిధులను తిరిగి చెల్లింపుల్లో జాప్యం, లబ్ధిదారుల ఫిర్యాదులను పరిష్కరించడంలో విఫలమవడం వంటివి ఈ ఉల్లంఘనలలో ఉన్నాయని తెలిపింది.

రిక్రూటింగ్ లో ఏదైనా ఉల్లంఘనలను 920002866 నంబరులోని కాల్ సెంటర్ ద్వారా లేదా ముసానెడ్ యాప్ ద్వారా నివేదించాలని మంత్రిత్వశాఖ కోరింది.