ఎమిరేట్స్‌ ఎయిర్‌లైన్స్‌ విమానం క్రాష్‌ ల్యాండ్‌ అయిన ఘటనలో వీర మరణం పొందిన ఫైర్‌ ఫైటర్‌ జస్సిమ్‌ ఐసా అల్‌ బలౌషి కుటుంబానికి అండగా ఉంటామని దుబాయ్‌ రూలర్‌, యూఏఈ ప్రైమ్‌ మినిస్టర్‌, వైస్‌ ప్రెసిడెంట్‌ షేక్‌ మొహమ్మద్‌ బిన్‌ రషీద్‌ అల్‌మక్తౌమ్‌ అన్నారు. విధి నిర్వహణలో వీర మరణం పొందిన బలౌషిని కింగ్‌డమ్‌ ఎప్పటికీ మర్చిపోదని షేక్‌ మొహమ్మద్‌ చెప్పారు. బలౌషి ఆత్మకు శాంతి చేకూరాలని, ఆయన కుటుంబం ధైర్యంగా ఉండాలని షేక్‌ మొహమ్మద్‌ ప్రార్థించారు. దుబాయ్‌ క్రౌన్‌ ప్రిన్స్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, దుబాయ్‌ సివిల్‌ ఏవియేషన్‌ అథారిటీ మరియు చైర్మన్‌ ఆఫ్‌ ఎమిరేట్స్‌ గ్రూప్‌ షేక్‌ అహ్మద్‌ బిన్‌ సయీద్‌ అల్‌ మక్తౌమ్‌, దుబాయ్‌ ప్రోటోకాల్‌ మరియు హాస్పిటాలిటీ డిపార్ట్‌మెంట్‌ డైరెక్టర్‌ జనరల్‌ కలీఫా సయీద్‌ సులేమాన్‌ తదితరులు షేక్‌ మొహమ్మద్‌తో కలిసి ఖర్రాన్‌ ప్రాంతంలో మార్నింగ్‌ మజ్లిస్‌లో పాల్గొన్నారు.