బహ్రెయిన్‌కి వెళుతున్న గల్ఫ్‌ ఎయిర్‌ విమానం ఫిలిప్పీన్స్‌లో ఎమర్జన్సీ ల్యాండింగ్‌ అయ్యింది. క్యాబిన్‌ నుంచి పొగలు రావడంతో సిబ్బంది వెంటనే అప్రమత్తమయ్యారు. ఆ సమయంలో విమానంలో మొత్తం 319 మంది ఉన్నారు. మనీలా ఎయిర్‌పోర్ట్‌ అథికారులు ఘటన గురించి చెబుతూ 155 నెంబర్‌ గల విమానం 307 మంది ప్రయాణీకులు, 12 మంది సిబ్బందితో సేఫ్‌గా ల్యాండ్‌ అయినట్లు వివరించారు. టేకాఫ్‌ అయిన 29 నిమిషాలకే ఎమర్జన్సీ ల్యాండింగ్‌ చేయవలసి వచ్చింది. ఇదిలా ఉండగా ఎయిర్‌లైన్‌ వర్గాలు, విమాన సర్వీసుని రద్దు చేసి, ప్రయాణీకులకు అకామడేషన్‌ని ఏర్పాటు చేసినట్లు ప్రకటించాయి. ఘటనకు కారణాలు ఇంకా తెలియాల్సి ఉంది.