బ్రెజిల్‌లో జరుగుతున్న రియో ఒలింపిక్స్‌లో పతకం కోసం ఆత్రుతగా ఎదురుచూస్తున్న భారత్‌కు టెన్నిస్‌ విభాగంలో వరుస పరాజయాలు ఎదురవుతున్నాయి. మహిళల డబుల్స్‌ తొలి రౌండ్‌లో భారత్‌ తరఫున బరిలోకి దిగిన సానియా మీర్జా- ప్రార్థన తోంబ్రే జోడి చైనా క్రీడాకారిణులు జంగ్‌- పెంగ్‌ చేతిలో ఓటమిపాలయ్యారు. సానియా మీర్జా మెరుగైన ప్రదర్శనతో ఆకట్టుకున్నా ప్రార్థన పేలవ ఆటతీరు భారత్‌ విజయావకాశాల్ని దెబ్బతీసింది. దీంతో మ్యాచ్‌ను సానియా జోడి 6-7, 5-7, 7-5 తేడాతో చేజార్చుకుంది. ఇక టెన్నిస్‌లో భారత్‌ ఆశలు సానియా మీర్జా- రోహన్‌ బోపన్న పోటీపడనున్న మిక్స్‌డ్‌ డబుల్స్‌పైనే ఉన్నాయి. ఇప్పటికే పురుషుల డబుల్స్‌లో పేస్‌- బోపన్నల జోడి తొలి రౌండ్‌లోనే ఓటమిపాలైన విషయం తెలిసిందే.