మస్కట్: మస్కట్ గవర్నరేట్‌లోని అల్ అమెరాత్ విలాయత్‌లో ఒక రెస్టారెంట్‌లో గ్యాస్ సిలిండర్ పేలి అగ్నిప్రమాదం జరిగింది.సమాచారం అందగానే సివిల్ డిఫెన్స్ అండ్ అంబులెన్స్ అథారిటీ (CDAA) అగ్నిమాపక బృందాలు సంఘటన స్థలానికి చేరుకొని మంటలను అదుపుచేశాయి. ఈ ఘటనలో ఇద్దరు తీవ్రంగా గాయపడ్డారు. గాయపడిన వారిని అంబులెన్స్ బృందాలు సమీపంలోని ఆస్పత్రికి తరలించాయి. సకాలంలో మంటలను అదుపులోకి తీసుకురావడానికి తమ అగ్నిమాపక బృందాలు వేగంగా స్పందించాయని CDAA తెలిపింది. ఇలాంటి సంఘటనలు పునరావృతం కాకుండా నివారించడానికి, వ్యాపార యజమానులు మరియు నివాసితులు భద్రతా నిబంధనలను పాటించాలని, అలాగే గ్యాస్ సిలిండర్లను సరైన పద్ధతిలో నిర్వహించి, నిల్వ చేయాలని అధికారులు కోరారు.