దోహా: ఖతార్ లో ఎండలు దంచికొడుతున్నాయి. ఈ సమయంలో  వాతావరణ శాఖ తన వారాంతపు సూచనలో కొన్ని హెచ్చరికలు జారీ చేసింది.  ఉష్ణోగ్రతలు 31°C నుండి 45°C మధ్య నమోదవుతాయని, ధూళి తుఫాన్లు ఏర్పడే  అవకాశం ఉందన్నారు.  గాలి వేగం గంటకు 5-18 నాట్ల (knots) మధ్య ఉంటుందని, వాయువ్య మరియు ఈశాన్య దిశల నుండి గాలులు వీస్తాయని, పగటిపూట గాలి వేగం గంటకు 28 నాట్ల వరకు పెరగవచ్చని వాతావరణ శాఖ పేర్కొంది. సముద్రపు అలల ఎత్తు 2-4 అడుగుల మధ్య ఉంటుందని, పగటిపూట అది 6 అడుగుల వరకు పెరగవచ్చని అంచనా వేశారు.