దుబాయ్: షేక్ జాయెద్ రోడ్‌లోని ఒక భవనంలో గురువారం తెల్లవారుజామున సంభవించిన అగ్నిప్రమాదాన్ని దుబాయ్ సివిల్ డిఫెన్స్ బృందాలు విజయవంతంగా అదుపులోకి తెచ్చాయి. ఈ ఘటనలో ఎవరికీ గాయాలు కాలేదని తెలుస్తోంది. నిర్వహణ పనులు (మెయింటెనెన్స్) జరుగుతున్న అంతస్తులో ఈ మంటలు చెలరేగాయని, సేఫ్టీ విధానాలకు అనుగుణంగా 'కూలింగ్' ప్రక్రియను పూర్తి చేసినట్లు అధికారులు తెలిపారు.
ఆ భవనం నుండి దట్టమైన పొగలు ఎగసిపడటం చూసినట్లు ప్రత్యక్ష సాక్షులు తెలిపారు. నిమిషాల వ్యవధిలోనే ఫైర్ ఫైటర్స్ ఘటనా స్థలానికి చేరుకున్నారు. అధికారులు చేపట్టిన భద్రతా చర్యలలో భాగంగా, ఆ భవనం చుట్టూ ఉన్న ప్రాంతంలోకి వాహనాలు మరియు పాదచారులు రాకుండా ఆంక్షలు విధించారు. ఆస్తి నష్టంతోపాటు ప్రమాదంపై విచారణ జరుగుతుందని, త్వరలోనే పూర్తి వివరాలు వెల్లడిస్తామని పేర్కొన్నారు.