దోహా: 'హంబా ఎగ్జిబిషన్' అని కూడా పిలువబడే మామిడి పండ్ల ఉత్సవం  మూడవ ఎడిషన్ జూలై 9న సౌక్ వాకిఫ్‌లోని ఈస్టర్న్ స్క్వేర్‌లో జరగనుంది. 10 రోజుల పాటు సాగే ఈ ఉత్సవం జూలై 18 వరకు కొనసాగుతుంది. ఇందులో చౌన్సా, అన్వర్ రటోల్, సింధ్రి మరియు దుస్సెహ్రీ వంటి పాకిస్థాన్‌లోని వివిధ ప్రాంతాల నుండి ప్రత్యేకంగా దిగుమతి చేసుకున్న మామిడి పండ్లను ప్రదర్శిస్తారు.

ఈ ప్రదర్శన ప్రతిరోజూ సాయంత్రం 4 గంటల నుండి రాత్రి 10 గంటల వరకు జరుగుతుంది. సందర్శకులు కుటుంబ సమేతంగా జ్యూస్‌లు, ఐస్‌క్రీమ్‌లు, స్వీట్లు మరియు సాంప్రదాయ వంటకాలతో సహా మామిడి ఆధారిత ఉత్పత్తులను ఆస్వాదించ వచ్చని నిర్వాహకులు తెలిపారు.