అబూ ధాబీ : శుక్రవారం అబూధాబీ నగరం లోని అల్ మినా ప్రాంతంలోని  రెండు గిడ్డంగులకు నిప్పంటుకోవడంతో భారీ  అగ్ని ప్రమాదం జరిగింది.ఈ ఘటనలో ఎటువంటి మరణాలు లేదా గాయాలు కాలేదని  నివేదించారు. పోలీసుల సమన్వయంతో  అబూధాబీ సివిల్ డిఫెన్స్ జట్లు మంటలను అదుపు చేసేందుకు ఆ  ప్రాంతానికి వెళ్లారు. ఒక గిడ్డంగిలో స్టేషనరీ అంశాలు ఉండగా మరో గిడ్డింగిలో  ఆహార ఉత్పత్తులు నిల్వ ఉన్నట్లు  అబూధాబీ సివిల్ డిఫెన్స్ డైరెక్టర్ జనరల్ లెఫ్టినెంట్ కల్నల్ మొహమ్మద్ అబ్దుల్ జలీల్ అల్ అన్సారీ తెలిపారు. తాము ఉదయం 11.15 గంటలకు ఈ అగ్నిప్రమాదం గూర్చి  ఫోన్ ద్వారా సమాచారం అందుకున్నట్లు ఆయన చెప్పారు. అగ్నిప్రమాదంకు కారణాలని పరిశోధనల అనంతరం వివరిస్తామని ఆయన అన్నారు.