మనామా: ఆర్థిక, పెట్టుబడి సహకారంపై బహ్రెయిన్–ఫ్రాన్స్ చర్చలు జరిపాయి. బహ్రెయిన్ ఆర్థిక, జాతీయ ఆర్థిక వ్యవహారాల మంత్రి షేక్ సల్మాన్ బిన్ ఖలీఫా అల్ ఖలీఫా.. ఫ్రాన్స్ రాయబారి ఎరిక్ గిరాడ్-టెల్మేతో సమావేశమై ద్వైపాక్షిక సహకారాన్ని మరింత బలోపేతం చేసే అంశాలపై చర్చించారు. ఈ సందర్భంగా ఇరు దేశాల మధ్య ఉన్న దీర్ఘకాలిక స్నేహపూర్వక సంబంధాలను మంత్రి ప్రస్తావిస్తూ, ముఖ్యంగా ఆర్థిక, వాణిజ్య, పెట్టుబడి రంగాల్లో సహకారం నిరంతరం విస్తరిస్తోందని తెలిపారు.

అలాగే, ఉమ్మడి లక్ష్యాల సాధన కోసం ద్వైపాక్షిక సమన్వయం, భాగస్వామ్యాన్ని మరింత బలోపేతం చేయడానికి ఇరు దేశాలు కట్టుబడి ఉన్నాయని పేర్కొన్నారు.ఈ సమావేశంలో తాజా ప్రాంతీయ, అంతర్జాతీయ పరిణామాలపై కూడా చర్చించారు. అలాగే ఆర్థిక, పెట్టుబడి రంగాల్లో సహకారాన్ని మరింత విస్తరించే అవకాశాలను పరిశీలించారు.