పాన్ ఇండియా స్టార్ ప్రభాస్ నటిస్తున్న ‘స్పిరిట్’ సినిమాపై రోజురోజుకూ అంచనాలు పెరుగుతున్నాయి. దర్శకుడు సందీప్ రెడ్డి వంగా తెరకెక్కిస్తున్న ఈ యాక్షన్ ఎంటర్‌టైనర్ కోసం అభిమానులు ఎంతో ఆసక్తిగా ఎదురుచూస్తున్నారు. ఇప్పటికే ఈ కాంబినేషన్ దేశవ్యాప్తంగా చర్చనీయాంశంగా మారగా, ఇప్పుడు కర్ణాటక మార్కెట్‌లోనూ ఈ (Rebal Star Spirit) సినిమాకు భారీ స్థాయిలో రిలీజ్ ప్లాన్ చేస్తున్నారనే వార్తలు సినీ వర్గాల్లో వినిపిస్తున్నాయి.

ప్రభాస్‌కు కర్ణాటకలో కూడా:
ప్రభాస్‌కు తెలుగు రాష్ట్రాలతో పాటు కర్ణాటకలో కూడా భారీ అభిమాన వర్గం ఉంది. ‘బాహుబలి’, ‘సలార్’, ‘కల్కి 2898 AD’ వంటి చిత్రాలు అక్కడ మంచి వసూళ్లు సాధించడంతో ఆయనకు బలమైన మార్కెట్ ఏర్పడింది. ఇప్పుడు అదే క్రేజ్‌ను దృష్టిలో పెట్టుకుని ‘స్పిరిట్’ను గత చిత్రాల కంటే మరింత భారీ స్థాయిలో విడుదల చేయాలని నిర్మాతలు భావిస్తున్నట్లు సమాచారం.

సందీప్ రెడ్డి వంగా సినిమాలకు ఉన్న ప్రత్యేకమైన స్టైల్, ప్రభాస్‌కు ఉన్న పాన్ ఇండియా ఇమేజ్ కలిసి ‘స్పిరిట్’పై భారీ బజ్‌ను సృష్టిస్తున్నాయి. దీంతో కర్ణాటకలో థియేటర్ల సంఖ్య పెంచడంతో పాటు పంపిణీ హక్కుల కోసం కూడా తీవ్ర పోటీ నెలకొన్నట్లు టాక్ వినిపిస్తోంది.

ట్రేడ్ వర్గాల ప్రకారం ఈ సినిమా బిజినెస్ కూడా రికార్డు స్థాయిలో జరిగే అవకాశాలు కనిపిస్తున్నాయి. భారీ యాక్షన్, ఎమోషన్, సందీప్ వంగా మార్క్ మేకింగ్‌తో తెరకెక్కుతున్న ఈ చిత్రంపై అభిమానుల్లో అంచనాలు ఆకాశాన్నంటుతున్నాయి.

ప్రభాస్ కెరీర్‌లో మరో మైలురాయిగా నిలిచే సినిమాగా ‘స్పిరిట్’ను చిత్రబృందం తీర్చిదిద్దుతున్నట్లు సమాచారం. అయితే కర్ణాటక రిలీజ్, బిజినెస్‌కు సంబంధించిన పూర్తి వివరాలను చిత్రబృందం ఇంకా అధికారికంగా ప్రకటించలేదు. అయినప్పటికీ ఇండస్ట్రీలో వినిపిస్తున్న వార్తలు చూస్తుంటే, ‘స్పిరిట్’ కన్నడ గడ్డపై కూడా ప్రభాస్ బాక్సాఫీస్ పంజా చూపించే సినిమాగా మారే అవకాశాలు బలంగా కనిపిస్తున్నాయి.