200 మందికి పైగా అక్రమ నివాసితుల్ని సార్జా పోలీసులు అరెస్ట్‌ చేశారు. మొత్తం 210 మందిని ఈ సందర్భంగా అరెస్ట్‌ చేసినట్లు పోలీసులు వెల్లడించారు. అరెస్టయినవారిలో పలు దేశాలకు చెందినవారు ఉన్నారు. తమ స్పాన్సర్స్‌ నుంచి తప్పించుకు తిరుగుతున్నవారిగా వీరిని గుర్తించారు పోలీసులు. బెగ్గింగ్‌, గాంబ్లింగ్‌, హాకింగ్‌ ద్వారా వీరంతా ఆదాయాన్ని సముపార్జిస్తున్నట్లు పోలీసులు చెప్పారు. భద్రతా కారణాల రీత్యా తనిఖీలు నిర్వహిస్తున్నామని వారు తెలిపారు. కమ్యూనిటీ మెంబర్స్‌ షార్జా పోలీసులకు సహకరించాలనీ, అక్రమ నివాసితుల గురించిన సమాచారం ఇవ్వాలనీ, తనిఖీలు నిరంతరం కొనసాగుతాయని అధికారులు విజ్ఞప్తి చేశారు.