సౌదీలో జూలైలో 1.8 శాతానికి ద్రవ్యోల్బణం..!!
- August 13, 2026
రియాద్: సౌదీ అరేబియాలో వార్షిక ద్రవ్యోల్బణం జూలై లో 1.8 శాతానికి చేరుకుంది. ప్రధానంగా హౌజింగ్, వాటర్, విద్యుత్, గ్యాస్, ఇతర ఇంధన ధరలు 4.2 శాతం పెరగడం ద్రవ్యోల్బణంపై ప్రభావం చూపిందని జనరల్ అథారిటీ ఫర్ స్టాటిస్టిక్స్ (GASTAT) తెలిపింది. హౌజింగ్, వాటర్, విద్యుత్, గ్యాస్, ఇతర ఇంధన విభాగంలో వాస్తవ గృహ అద్దెలు 4.3 శాతం పెరిగాయి. దీంతో మొత్తం వార్షిక ద్రవ్యోల్బణంలో ఈ విభాగం అత్యధికంగా 0.8 శాతం పాయింట్ల మేరకు వాటా కల్పించింది.
వ్యక్తిగత సంరక్షణ, సామాజిక రక్షణ, ఇతర వస్తువులు-సేవల ధరలు ఏడాది ప్రాతిపదికన 2.9 శాతం పెరిగాయి. ఇందులో ఇతర వ్యక్తిగత వస్తువుల ధరలు 11.1 శాతం పెరగడం ప్రధాన కారణంగా ఉంది. నగలు, గడియారాల ధరలు 12 శాతం పెరిగాయి. వినోదం, క్రీడలు, సాంస్కృతిక విభాగంలో ధరలు 2.4 శాతం పెరిగాయి. సెలవు ప్యాకేజీల ధరలు 3.7 శాతం పెరగడం ఇందుకు కారణమైంది. ఆహారం, పానీయాల ధరలు 1.5 శాతం, రవాణా ధరలు 1.4 శాతం పెరిగాయి.
అయితే, ఫర్నిచర్, గృహోపకరణాలు, సాధారణ గృహ నిర్వహణకు సంబంధించిన ధరలు వార్షిక ప్రాతిపదికన 0.5 శాతం తగ్గాయి. దుస్తులు, ఫుట్ వేర్ ధరలు 0.4 శాతం తగ్గినట్లు GASTAT వెల్లడించింది. జూన్తో పోలిస్తే జూలైలో వినియోగదారుల ధరల సూచీ (CPI) 0.2 శాతం పెరిగింది.
హౌజింగ్, వాటర్, విద్యుత్, గ్యాస్, ఇతర ఇంధన ధరలు నెలవారీగా 0.9 శాతం పెరిగాయి. ఇందులో విద్యుత్, గ్యాస్, ఇతర ఇంధనాల ధరలు 7.1 శాతం పెరగడం కీలకంగా మారింది. ఇక రెస్టారెంట్లు, వసతి సేవల ధరలు 0.5 శాతం, వినోదం, క్రీడలు, సంస్కృతి ధరలు 0.4 శాతం, రవాణా ధరలు 0.2 శాతం పెరిగాయి.
అదే సమయంలో వ్యక్తిగత సంరక్షణ, సామాజిక రక్షణ, ఇతర వస్తువులు-సేవల ధరలు జూన్తో పోలిస్తే 1 శాతం తగ్గగా, ఫర్నిచర్, గృహోపకరణాలు, సాధారణ గృహ నిర్వహణ వ్యయాలు 0.1 శాతం తగ్గినట్లు GASTAT గణాంకాలు వెల్లడించాయి.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







