ఎన్టీఆర్‌ కథానాయకుడిగా కొరటాల శివ దర్శకత్వంలో రూపొందుతున్న 'జనతాగ్యారేజ్‌' విడుదలకు సిద్దమవుతోంది. ఇటీవల విడుదలైన ట్రైలర్‌, ఆడియోకు అభిమానుల నుంచి మంచి స్పందన లభించింది. తాజాగా సినిమాకు సంబంధించిన కొత్త పోస్టర్‌ను చిత్ర బృందం విడుదల చేసింది. విద్యార్థి గెటప్‌లో ఉన్న ఎన్టీఆర్‌ స్టిల్‌ అభిమానులను ఆకట్టునేలా ఉంది. మరోవైపు కాజల్‌ అగర్వాల్‌పై నేటి నుంచి 'నేను పక్కా లోకల్‌' అనే ప్రత్యేక గీతాన్ని తెరకెక్కిస్తున్నారు. మోహన్‌లాల్‌ కీలక పాత్ర పోషిస్తున్న ఈ చిత్రంలో సమంత, నిత్యామేనన్‌ కథానాయికలు. సెప్టెంబర్‌ 2 ఈ సినిమా ప్రేక్షకుల ముందుకు రానుంది.