ఉమ్ అల్ కువైన్లో ఫేక్ హాలిడే రెంటల్ ప్రకటనలపై హెచ్చరికలు జారీ..!!
- August 21, 2026
యూఏఈ: యూఏఈలోని ఉమ్ అల్ కువైన్లో చలెట్స్, రెస్ట్ హౌస్లు, విల్లాలు, ఫార్మ్ హౌస్లకు సంబంధించిన ఫేక్ హాలిడే రెంటల్ ప్రకటనలపై పోలీసులు ప్రజలను అప్రమత్తం చేశారు. ఆన్లైన్లో కనిపించే హాలిడే రెంటల్ ప్రకటనలతో వ్యవహరించే సమయంలో ప్రజలు అత్యంత జాగ్రత్తగా ఉండాలని ఉమ్ అల్ కువైన్ పోలీసులు సూచించారు. బుకింగ్ లేదా చెల్లింపు చేసే ముందు ప్రకటన నిజమైనదేనా, దాన్ని పోస్ట్ చేసిన వ్యక్తి నమ్మకస్తుడేనా అనే విషయాలను తప్పనిసరిగా నిర్ధారించుకోవాలని తెలిపారు.
మోసగాళ్లు తక్కువ ధరలకు హాలిడే వేదికలు అందిస్తున్నట్లు ప్రకటనలు ఇచ్చి బాధితులను ఆకర్షిస్తున్నారని పోలీసులు తెలిపారు. అనంతరం వ్యక్తిగత లేదా గుర్తుతెలియని బ్యాంక్ ఖాతాలకు డబ్బు బదిలీ చేయాలని కోరుతున్నట్లు పేర్కొన్నారు. అలాంటి ఆకర్షణీయమైన ఆఫర్లకు మోసపోయి ఆధారాలు పరిశీలించకుండా డబ్బు పంపవద్దని పోలీసులు హెచ్చరించారు. ప్రకటనదారుడి వివరాలు, ఆస్తి యాజమాన్యం, అలాగే అద్దెకు అందిస్తున్న ప్రాపర్టీ నిజంగా ఉందా, అది పేర్కొన్న ప్రాంతంలోనే ఉందా అనే విషయాలను ముందుగా నిర్ధారించుకోవాలని సూచించారు.
హాలిడే రెంటల్ ప్రకటనలను ఎలా తనిఖీ చేయాలి?
* ప్రకటనదారుడి గుర్తింపు, ప్రాపర్టీ యాజమాన్య వివరాలను పరిశీలించాలి.
* ప్రాపర్టీ, దాని లొకేషన్ను ధృవీకరించకముందు ఎట్టి పరిస్థితుల్లోనూ డబ్బు బదిలీ చేయకూడదు.
* అధికారిక కాంట్రాక్ట్ లేదా బుకింగ్ కన్ఫర్మేషన్ తీసుకోవాలి.
* ప్రకటనదారుడితో జరిగిన మెసేజ్లు, పత్రాలు, చెల్లింపు రసీదుల కాపీలను భద్రపరచుకోవాలి.
అనుమానాస్పద ప్రకటనలు, వెబ్సైట్లు లేదా మోసపూరిత ప్రయత్నాలు కనిపిస్తే అధికారిక మార్గాల ద్వారా పోలీసులకు ఫిర్యాదు చేయాలని ప్రజలను కోరారు.
ఫేక్ ట్రావెల్ ఆఫర్లపైనా గతంలో హెచ్చరిక
ఇదే ఏడాది ప్రారంభంలో దుబాయ్ పోలీసులు కూడా ఫేక్ ట్రావెల్ ఆఫర్లు, నకిలీ హాలిడే బుకింగ్స్పై హెచ్చరించారు. భారీ డిస్కౌంట్ల పేరుతో నకిలీ ట్రావెల్ ప్యాకేజీలు, హోటల్ రిజర్వేషన్లు, విమాన టికెట్లను ప్రచారం చేసి ప్రజల నుంచి తక్షణ చెల్లింపులు చేయించేందుకు మోసగాళ్లు ప్రయత్నిస్తున్నారని తెలిపారు. హాలిడే, సమ్మర్ వెకేషన్ సీజన్లలో ఇలాంటి ఎలక్ట్రానిక్ మోసాలు పెరిగే అవకాశం ఉందని అధికారులు హెచ్చరించారు. తక్కువ ధరలకు విదేశీ టూరిస్ట్ డెస్టినేషన్లకు ఆకర్షణీయమైన బుకింగ్స్ లభిస్తున్నాయనే ఆశతో ప్రజలు తొందరపడి చెల్లింపులు చేయకుండా ముందుగా అన్ని వివరాలను ధృవీకరించుకోవాలని సూచించారు.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







