ఓబిడ్డ ఏందిరా నీలో ఆ భయము 
ఓసారి అడుగు ముందుకు వేసి పిరికితనము 
ఓమారు తరిమికొట్టు పూరించు సమరశంఖము
ఒక్కరి కోసము కాదుగా ఈ సమాజము !!!!

ఎదురెళ్ళు గళం విప్పి ఘోషించు 
ఏ అన్యాయం జరిగిన నినదించు 
ఎక్కడ ఏమి జరిగిన ప్రశ్నించు 
ఏదేని నిలదీస్తేనే మార్పని ఎదిరించు!!!!

నిరంతరము ఉద్యమాల్లో నినాదం 
నివురు కప్పిన నిప్పులా ఆలోచనం 
నీకు నీవుగా చెప్పెదే నీ స్వభావం 
నీమనసే కదా నీకసలైన సాక్ష్యం !!!

వివక్షతను నిలువునా వ్యతిరేకిస్తూ 
విలువలతో వాస్తవాలని వెలికితీస్తూ 
వంచనచేసినచో నిర్భయంగా ప్రశ్నిస్తూ 
వేదనలని అణచకని అండగా నిలుస్తూ !!!!

ఈనేల నీదిరా మేల్కొనరా సామాన్యుడా 
ఈపీల్చే గాలిలో దాగివుంది నీస్వేఛ్ఛరా 
ఈమట్టితోనే మమేకమ్యే నీయాస నీమాట 
ఇదినీదిరా అని గొంతుకను అక్షరాల్లో నిలిపిన !!!!

నీకే తెలియని నీజీవితం బొమ్మలా మార్చకు
నీ భావాన్ని బహిర్గతం చేయమనిన 
నీగొంతుకని వినిపించరా అదియే నీభాషరా 
అనిన తెలంగాణ ప్రజాకవి కాళోజీ నారాయణరావు!!!!

 --యామిని కోళ్ళూరు ✍️