అబుదాబి: ఇరాన్‌కు చెందిన ఎయిర్‌లైన్స్ సంస్థలు యూఏఈకి రాకపోకలు సాగించే విమానాలను తాత్కాలికంగా నిలిపివేస్తున్నట్లు యూఏఈ జనరల్ సివిల్ ఏవియేషన్ అథారిటీ (GCAA) ప్రకటించింది. ఈ నిర్ణయం సెప్టెంబర్ 24, గురువారం నుంచి అమల్లోకి వచ్చింది. తదుపరి ఆదేశాలు వెలువడే వరకు ఈ సస్పెన్షన్ కొనసాగుతుందని GCAA వెల్లడించింది.

ఇరాన్ ఎయిర్‌లైన్స్ ప్రపంచంలోని పలు దేశాల విమానాశ్రయాలను ఉపయోగించడంపై అమెరికా విధించిన నిషేధం నేపథ్యంలో ఈ నిర్ణయం తీసుకున్నట్లు GCAA తెలిపింది.

అధికారిక సమాచారాన్నే నమ్మాలి

యూఏఈ–ఇరాన్ మధ్య సాధారణ విమాన రాకపోకలు పునరుద్ధరించే వరకు పరిస్థితిని సంబంధిత అధికారులతో పాటు ప్రజలకు ఎప్పటికప్పుడు తెలియజేస్తామని GCAA పేర్కొంది.

విమాన సర్వీసులకు సంబంధించిన తాజా సమాచారం కోసం ప్రజలు అధికారిక, అనుమతించబడిన వనరులను మాత్రమే అనుసరించాలని GCAA సూచించింది.

ఈ పరిణామంతో యూఏఈ–ఇరాన్ మధ్య ఇరాన్ ఎయిర్‌లైన్స్ నిర్వహించే విమాన సర్వీసులపై తదుపరి ఆదేశాలు వెలువడే వరకు ఆంక్షలు కొనసాగనున్నాయి.