మెగాస్టార్‌ చిరంజీవి నటిస్తున్న 150వ చిత్రం 'ఖైదీనెం.150' బ్లాక్‌బస్టర్‌ అవుతుందని దర్శకుడు రామ్‌గోపాల్‌ వర్మ అంటున్నారు. ఎప్పుడూ ఏదో ఒక టాపిక్‌పై కామెంట్స్‌ చేసే వర్మ ఇప్పుడు మెగాస్టార్‌ను ఎంచుకొన్నారు. సోమవారం చిరు పుట్టినరోజు సందర్భంగా 'ఖైదీ నెం.150' ఫస్ట్‌లుక్‌ విడుదలైన విషయం తెలిసిందే. ఈ విషయమై వర్మ ట్విట్టర్‌లో స్పందిస్తూ.. ''ఫస్ట్‌లుక్‌లో మెగాస్టార్‌ స్టిల్‌, టైటిల్‌ అదిరిపోయింది. చిరు కెరీర్‌లోనే అద్భుతమైన ఫస్ట్‌లుక్‌ ఇది. ఫస్ట్‌లుక్‌ చూశాక గతంలో నేను చిరు 150 చిత్రంపై చేసిన వ్యాఖ్యలు తప్పని తెలిసింది.అందుకు చిరు అభిమానులకు క్షమాపణలు చెప్తున్నా'' అని వర్మ ట్వీట్‌ చేశాడు.