ఖతార్లో ట్రాఫిక్ ప్రమాదాలు.. కారణాలపై హోం మినిస్ట్రీ కీలక ప్రకటన..!!
- October 06, 2026
దోహా: రోడ్డు ప్రమాదాలకు దారితీసే పలు ప్రమాదకర డ్రైవింగ్ విధానాలను ఖతార్ అంతర్గత వ్యవహారాల మంత్రిత్వ శాఖ (MoI) వెల్లడించింది. వాహనదారులు ట్రాఫిక్ నిబంధనలు పాటిస్తూ అప్రమత్తంగా వాహనాలు నడపాలని సూచించింది. అసురక్షితంగా లేన్ మారడం, డ్రైవింగ్ సమయంలో ఏకాగ్రత కోల్పోవడం, ముందు వెళ్తున్న వాహనానికి తగినంత దూరం పాటించకపోవడం ప్రమాదాలకు ప్రధాన కారణాలని పేర్కొంది. రోడ్డు పరిస్థితులను గమనించకుండా అకస్మాత్తుగా లేన్ మారడం లేదా వాహనం వెళ్లేందుకు మార్గం ఖాళీగా ఉందో లేదో నిర్ధారించుకోకుండా లేన్ మార్చడం వల్ల ఢీకొనే ప్రమాదం ఉందని హెచ్చరించింది.
అలాగే డ్రైవింగ్పై దృష్టి లేకపోతే వాహనంపై నియంత్రణ కోల్పోయే అవకాశం ఉందని తెలిపింది.ముందున్న వాహనాన్ని అతిగా దగ్గరగా అనుసరించడం కూడా ప్రమాదకరమని MoI పేర్కొంది. ట్రాఫిక్ పరిస్థితులు అకస్మాత్తుగా మారినప్పుడు వాహనాన్ని సకాలంలో ఆపేందుకు తగినంత దూరం ఉండటం అత్యవసరమని సూచించింది. అదేవిధంగా, రోడ్డులోకి ప్రవేశించే ముందు లేదా మలుపు తిరిగే సమయంలో మార్గం స్పష్టంగా ఉందో లేదో నిర్ధారించుకోకుండా ముందుకు వెళ్లడం వల్ల డ్రైవర్లతో పాటు ఇతర రోడ్డు వినియోగదారులకు కూడా ప్రమాదం ఏర్పడే అవకాశం ఉందని హెచ్చరించింది.
ట్రాఫిక్ నిబంధనలు, మార్గదర్శకాలను ప్రతి ఒక్కరూ తప్పనిసరిగా పాటించాలని MoI సూచించింది. బాధ్యతాయుతమైన డ్రైవింగ్ ద్వారా రోడ్లపై ప్రయాణించే ప్రతి ఒక్కరి భద్రతను కాపాడటంతో పాటు ప్రమాదాలను తగ్గించవచ్చని పేర్కొంది.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







