సౌదీ అరేబియా, బహ్రెయిన్ మధ్య చారిత్రక, బలమైన బంధం..!!
- October 07, 2026
మనామా: బహ్రెయిన్–సౌదీ అరేబియా మధ్య చారిత్రక, సుదీర్ఘ సంబంధాలను మరింత బలోపేతం చేయడంతో పాటు ఇంధనం, పరిశ్రమ రంగాల్లో సహకారాన్ని విస్తరించేందుకు ఇరు దేశాలు కట్టుబడి ఉన్నాయని బహ్రెయిన్ క్రౌన్ ప్రిన్స్, ప్రధానమంత్రి హిస్ రాయల్ హైనెస్ ప్రిన్స్ సల్మాన్ బిన్ హమద్ అల్ ఖలీఫా పేర్కొన్నారు. రీఫా ప్యాలెస్లో సౌదీ అరేబియా ఇంధన శాఖ మంత్రి, పరిశ్రమలు, ఖనిజ వనరుల శాఖ మంత్రి ప్రిన్స్ అబ్దులఅజీజ్ బిన్ సల్మాన్ బిన్ అబ్దులఅజీజ్ అల్ సౌద్తో ఆయన సమావేశమయ్యారు. ఈ సందర్భంగా ఇరు రాజ్యాల మధ్య ఉన్న చారిత్రక, బలమైన సంబంధాలను ప్రిన్స్ సల్మాన్ ప్రస్తావించారు. వివిధ రంగాల్లో పరస్పర భాగస్వామ్యం, సహకారాన్ని పెంచుకుంటూ ఈ బంధం మరింత అభివృద్ధి చెందుతోందని తెలిపారు.
బహ్రెయిన్ రాజు హమద్ బిన్ ఈసా అల్ ఖలీఫా, సౌదీ రాజు సల్మాన్ బిన్ అబ్దులఅజీజ్ అల్ సౌద్ల నాయకత్వం ఇరు దేశాల సంబంధాల పురోగతికి, ఉమ్మడి ఆకాంక్షల సాధనకు దోహదపడుతోందని పేర్కొన్నారు. అలాగే సౌదీ క్రౌన్ ప్రిన్స్, ప్రధానమంత్రి ప్రిన్స్ మహ్మద్ బిన్ సల్మాన్ బిన్ అబ్దులఅజీజ్ అల్ సౌద్ ఇరు దేశాల సంబంధాలను మరింత బలోపేతం చేసేందుకు చేస్తున్న కృషిని ఆయన ప్రశంసించారు. ఈ సమావేశంలో ముఖ్యంగా ఇంధనం, పరిశ్రమ రంగాల్లో బహుళ రంగాల సహకారాన్ని మరింత విస్తరించే అవకాశాలపై చర్చించారు. ఇరు దేశాలకు సంబంధించిన పలు ఉమ్మడి అంశాలు కూడా సమావేశంలో ప్రస్తావనకు వచ్చాయి.
సౌదీ అరేబియా భద్రత బహ్రెయిన్ భద్రతతో విడదీయరాని విధంగా ముడిపడి ఉందని ప్రిన్స్ సల్మాన్ స్పష్టం చేశారు. సౌదీ అరేబియా భద్రత, సార్వభౌమత్వం, అక్కడి పౌరులు, నివాసితుల రక్షణ కోసం తీసుకునే అన్ని చర్యలకు బహ్రెయిన్ పూర్తి సంఘీభావం, మద్దతు ఇస్తుందని తెలిపారు. సౌదీ రాజు సల్మాన్ బిన్ అబ్దులఅజీజ్, క్రౌన్ ప్రిన్స్ ప్రిన్స్ మహ్మద్ బిన్ సల్మాన్ తరఫున బహ్రెయిన్ రాజు, క్రౌన్ ప్రిన్స్కు సౌదీ మంత్రి శుభాకాంక్షలు తెలిపారు. బహ్రెయిన్, దాని ప్రజలు నిరంతరం అభివృద్ధి, సౌభాగ్యంతో ముందుకు సాగాలని ఆకాంక్షించారు. అదేవిధంగా బహ్రెయిన్ రాజు తరఫున, తన తరఫున సౌదీ నాయకత్వానికి ప్రిన్స్ సల్మాన్ శుభాకాంక్షలు తెలిపారు. సౌదీ అరేబియా, ఆ దేశ ప్రజలు మరింత పురోగతి సాధించాలని ఆకాంక్షించారు.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







