ఏపీలో పర్యాటక పెట్టుబడులే లక్ష్యంగా స్పెయిన్లో మంత్రి కందుల దుర్గేష్ పర్యటన
- October 07, 2026
అమరావతి: రాష్ట్రంలో పర్యాటక రంగాన్ని గ్లోబల్ స్థాయికి తీసుకెళ్లడమే ధ్యేయంగా ఏపీ పర్యాటక, సాంస్కృతిక,సినిమాటోగ్రఫీ శాఖామాత్యులు కందుల దుర్గేష్ స్పెయిన్ లో పర్యటిస్తున్నారు.అక్టోబర్ 6 నుండి 8 వరకు స్పెయిన్లోని సెవిల్లె-ఫిబెస్ వేదికగా అత్యంత ప్రతిష్టాత్మకంగా జరగుతోన్న అంతర్జాతీయ 'టూరిజం ఇన్నోవేషన్ సమ్మిట్-2026'లో పాల్గొననున్నారు..డిజిటల్ టూరిజం నుంచి స్మార్ట్ డెస్టినేషన్స్ దాకా.. ఏపీ పర్యాటక భవిష్యత్తును తీర్చిదిద్దడమే లక్ష్యంగా మంత్రి దుర్గేష్ ఈ సదస్సులో పాల్గొననున్నారు. ఈ సదస్సులో భాగంగా పర్యాటక రంగంలో నూతన ఆవిష్కరణలు, అత్యాధునిక సాంకేతికత, సుస్థిర అభివృద్ధిపై జరిగే అత్యున్నత స్థాయి చర్చల్లో మంత్రి దుర్గేష్ ప్రాతినిధ్యం వహిస్తారు. ప్రపంచవ్యాప్తంగా విచ్చేసిన పర్యాటక నిపుణులు, ప్రభుత్వ ప్రతినిధులు, డెస్టినేషన్ మేనేజ్మెంట్ సంస్థలు, ఆతిథ్య రంగ ప్రముఖులతో మంత్రి దుర్గేష్ భేటీ కానున్నారు.టెక్నాలజీ రంగంలో భారీ పెట్టుబడులను ఆకర్షించడంతో పాటు, పర్యాటక రంగంలోనూ సాంకేతికతకు పెద్దపీట వేయనున్నారు.
ఆంధ్రప్రదేశ్లో పర్యాటక రంగ అభివృద్ధికి, పెట్టుబడులకు ఉన్న అపార అవకాశాలను వివరించి, అంతర్జాతీయ పారిశ్రామికవేత్తలను రాష్ట్రానికి సాదరంగా ఆహ్వానించనున్నారు. ఏపీ పర్యాటక రంగం తరఫున మంత్రి దుర్గేష్ బృందం అధికారిక ప్రెజెంటేషన్ ఇవ్వనుంది. కీలక సమావేశాలు, ప్యానెల్ చర్చలు, కీనోట్ సెషన్లు, నెట్వర్కింగ్,బీ2బీ సమావేశాల ద్వారా ఏపీ టూరిజానికి ప్రపంచ స్థాయి గుర్తింపు తీసుకురావడానికి మంత్రి దుర్గేష్ చర్యలు తీసుకుంటున్నారు.ప్రత్యేకించి, డిజిటల్ ఇన్నోవేషన్, స్మార్ట్ డెస్టినేషన్స్, సుస్థిర, బాధ్యతాయుతమైన పర్యాటకం, పర్యాటక పెట్టుబడులు - ఫైనాన్స్ ఫోరమ్, డెస్టినేషన్ మార్కెటింగ్, సందర్శకుల అనుభవం, అలాగే ఏవియేషన్, మొబిలిటీ, కనెక్టివిటీ అంశాలపై జరగనున్న ప్రత్యేక చర్చల్లో ఆంధ్రప్రదేశ్ పర్యాటక వనరులను, ప్రత్యేకతలను మంత్రి దుర్గేష్ తనదైన శైలిలో వినిపించనున్నారు. కేంద్ర సహకారంతో సీఎం చంద్రబాబునాయుడు, డిప్యూటీ సీఎం పవన్ కళ్యాణ్ ల దిశానిర్దేశంలో గత రెండేళ్ల కాలంలో పర్యాటక రంగానికి పారిశ్రామిక హోదా కల్పన, రూ.20 వేల కోట్ల పెట్టుబడులను సాధించామన్నారు. నూతన పర్యాటక పాలసీ (2024-29) పట్ల అంతర్జాతీయ ఇన్వెస్టర్లు ఎంతో ఆసక్తి చూపుతున్నారని మంత్రి దుర్గేష్ అన్నారు.అమరావతి నుంచి అట్లాంటిక్ దాకా ఏపీ పర్యాటక కీర్తిని చాటేలా ఈ పర్యటన కొనసాగనుంది. అదే విధంగా స్పెయిన్ లోని పర్యాటక ప్రాంతాలను పరిశీలించి మంత్రి దుర్గేష్ అధ్యయనం చేసి ఏపీలో ఆ విధానాలు అవలంబించనున్నారు.
మంత్రి దుర్గేష్ తో పాటు ఈ పర్యటనలో ఏపీటీఏ డిప్యూటీ సీఈవో శ్రీనివాస్, ఇతర అధికారులు ఉన్నారు.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







