ఇక వాట్సాప్లోనే క్యాస్ట్ సర్టిఫికెట్
- October 08, 2026
అమరావతి: ఆంధ్రప్రదేశ్ ప్రభుత్వం ప్రజా సేవలను మరింత వేగవంతం, పారదర్శకం చేసే దిశగా ‘మనమిత్ర’ వాట్సాప్ గవర్నెన్స్ ద్వారా మరో కీలక విప్లవాన్ని అందుబాటులోకి తెచ్చింది. ఇకపై సచివాలయాలు లేదా మీసేవ కేంద్రాల చుట్టూ తిరిగే పనిలేకుండా నేరుగా మీ మొబైల్ వాట్సాప్ ద్వారానే క్యాస్ట్ (కుల) సర్టిఫికెట్ను సులభంగా డౌన్లోడ్ చేసుకునే వీలు కల్పించింది. దీని కోసం వినియోగదారులు 95523 00009 అనే అధికారిక వాట్సాప్ నంబర్కు ‘HI’ అని మెసేజ్ పంపాల్సి ఉంటుంది. ఆ తర్వాత స్క్రీన్పై కనిపంచే మెనూ ద్వారా ‘సేవలు’ (Services) ఆప్షన్లోకి వెళ్లి, అందులోని ‘రెవెన్యూ సేవలు’ విభాగాన్ని ఎంచుకోవాలి. అక్కడ ‘రీ ఇష్యూయెన్స్ ఆఫ్ ఇంటిగ్రేటెడ్ సర్టిఫికెట్’ (Re-issuance of Integrated Certificate) ను సెలెక్ట్ చేసుకోవాల్సి ఉంటుంది.
ఆధార్ OTP, Rs.40 రుసుముతో నిమిషాల్లో డౌన్లోడ్!
ఆప్షన్ ఎంచుకున్న అనంతరం మీ ఆధార్ సంఖ్యను నమోదు చేయాల్సి ఉంటుంది. ఆధార్తో అనుసంధానమైన మొబైల్ నంబర్కు వచ్చే ఓటీపీ (OTP) తో పాటు అవసరమైన ప్రాథమిక వివరాలను అక్కడ సమర్పించాలి. ఆ తర్వాత ప్రభుత్వం నిర్దేశించిన ₹40 సర్వీస్ ఛార్జీని వాట్సాప్ యూపీఐ లేదా ఇతర డిజిటల్ పేమెంట్ విధానాల ద్వారా చెల్లించాల్సి ఉంటుంది. లావాదేవీ విజయవంతం కాగానే మీ డిజిటల్ క్యాస్ట్ సర్టిఫికెట్ తక్షణమే వాట్సాప్లోనే పీడీఎఫ్ (PDF) రూపంలో డౌన్లోడ్ అవుతుంది. ఈ విధానం వల్ల సామాన్య ప్రజలకు సమయం, డబ్బు ఆదా అవ్వడమే కాకుండా డిజిటల్ పాలనలో ఏపీ సరికొత్త మైలురాయిని చేరుకుందని నిపుణులు కొనియాడుతున్నారు.
తాజా వార్తలు
- బైక్లు, క్యాంప్సైట్ అద్దె పేరుతో ఆన్లైన్ మోసాలు..
- దుబాయ్లో ఘనంగా తెలుగు చార్టర్డ్ అకౌంటెంట్ల వనభోజనాలు.. 350 మందికి పైగా హాజరు
- బహ్రెయిన్పై ఇరాన్ దాడిని ఖండించిన ఖతార్
- యెమెన్లో వారం రోజుల్లో 1,269 పేలుడు పదార్థాలను నిర్వీర్యం చేసిన సౌదీ మసామ్ ప్రాజెక్టు
- లిబియాలో రష్యా నౌకపై డ్రోన్ దాడి అనుమానం.. బెంఘాజీ నౌకాశ్రయంలో భారీ పేలుడు
- రష్యా పౌరుడిని ఎయిర్ లిఫ్ట్ చేసిన ఒమన్ ఎయిర్ ఫోర్స్..!!
- సౌదీలో అక్రమ నివాసులపై భారీ చర్యలు..!!
- ఖతార్లో ఇక పేపర్ సిక్లీవ్ సర్టిఫికెట్లకు సెలవు..!
- కువైట్లో 10 మంది అరెస్ట్, 6 వాహనాలు స్వాధీనం..!!
- ఇరాన్ దాడులపై UN కు బహ్రెయిన్ ఫిర్యాదు..!!







