ఈ ఏడాది హజ్‌ సీజన్‌కి సంబంధించి అత్యవసర సమయాల్లో ఎమర్జన్సీ ప్లాన్‌కి ఆమోదం లభించింది. సౌదీ క్రౌన్‌ ప్రిన్స్‌ మొహమ్మద్‌ బిన్‌ నైఫ్‌ బిన్‌ అబ్దుల్‌ అజీజ్‌, సౌదీ డిప్యూటీ ప్రైమ్‌ మినిస్టర్‌, ఇంటీరియర్‌ మినిస్టర్‌ మరియు హజ్‌ సుప్రీం కమిటీ ఛైర్మన్‌ ఈ మేరకు జనరల్‌ సివిల్‌ డిఫెన్స్‌ ఎమర్జన్సీ ప్లాన్‌కి ఆమోదం తెలిపారు. హజ్‌ సందర్భంగా ప్రత్యేక ప్రార్థనలు నిర్వహించే యాత్రీకులకు ఎలాంటి ఇబ్బందులు లేకుండా అన్ని జాగ్రత్తలూ తీసుకుంటున్నామనీ, ఈ మేరకు ఎమర్జన్సీ ప్లాన్‌ని తయారు చేశామని డైరెక్టర్‌ జనరల్‌ ఆఫ్‌ సివిల్‌ డిఫెన్స్‌ లెఫ్టినెంట్‌ జనరల్‌ సులేమాన్‌ బిన్‌ అబ్దుల్లా అల్‌ అమర్‌ చెప్పారు.