నజ్రాన్‌: సౌదీ అరేబియాలోని నజ్రాన్‌ నగరంలో ఆదివారం హౌతీ మిలీషియా ప్రయోగించిన డ్రోన్ నివాస ప్రాంతాన్ని తాకడంతో ఆరుగురు సౌదీ పౌరులు గాయపడ్డారు. ఈ ఘటనలో మూడు ఇళ్లు, మూడు వాహనాలు దెబ్బతిన్నాయి.సౌదీ అరేబియా పౌర రక్షణ విభాగం (జనరల్ డైరెక్టరేట్ ఆఫ్ సివిల్ డిఫెన్స్) ఈ వివరాలను వెల్లడించింది.  సమాచారం అందుకున్న వెంటనే పౌర రక్షణ బృందాలు ఘటనాస్థలానికి చేరుకుని సహాయక చర్యలు చేపట్టాయి. నిబంధనల ప్రకారం అవసరమైన చర్యలు తీసుకున్నట్లు అధికారులు తెలిపారు.పౌరుల నివాసాలు, ఇతర పౌర ఆస్తులను లక్ష్యంగా చేసుకోవడం అంతర్జాతీయ మానవతా చట్టాల ఉల్లంఘన అని పౌర రక్షణ విభాగం పేర్కొంది.