ఎమిరేటీ విమెన్స్‌ డే సందర్భంగా అరబ్‌ విమెన్‌ ఆర్గనైజేషన్‌, షేక్‌ ఫాతిమా బింట్‌ ముబారక్‌ (చైర్‌ విమెన్‌ ఆఫ్‌ ది జనరల్‌ విమెన్స్‌ యూనియన్‌, సుప్రీం ప్రెసిడెంట్‌ ఆఫ్‌ ది ఫ్యామిలీ డెవలప్‌మెంట్‌ ఫౌండేషన్‌, హెడ్‌ ఆఫ్‌ ది సుప్రీం కౌన్సిల్‌ ఫర్‌ మదర్‌ హుడ్‌ అండ్‌ చైల్డ్‌ హుడ్‌)కి శుభాకాంక్షలు తెలిపింది. గత ఏడాది షేక్‌ ఫాతిమా, ఎమిరేటీ విమెన్‌ డేని ప్రకటించారు. డైరెక్టర్‌ జనరల్‌ ఆఫ్‌ ది ఆర్గనైజేషన్‌ మెర్వత్‌ తల్లావి ఈ సందర్భంగా ఎమిరేటీ మహిళలు తమ తమ రంగాల్లో సాధించిన విజయాల్ని కొనియాడారు. ఎమిరేటీ మహిళల అభ్యున్నతి కోసం షేక్‌ పాతిమా తీసుకుంటున్న చర్యల్ని ప్రస్తావించి, ఆమె మద్దతును అభినందించారు. భవిష్యత్తులోనూ అరబ్‌ మహిళలకు ఆమె మరింత సహాయ సహాకారలు అందిస్తారని ఆకాంక్షించారు. ఎమిరేటీ మహిళలు ప్రభుత్వ ఉద్యోగాల్లో 66 శాతం సాధించడాన్ని ప్రస్తావిస్తూ, అందులో సగం ముఖ్యమైన పదవులేనని చెప్పారు. యూఏఈలో మహిళా పారిశ్రామికవేత్తలు 45 బిలియన్‌ దిర్హామ్‌ల పెట్టుబడితో ముందంజలో ఉండగా, పలువురు మహిళలు పోలీస్‌, మరియు ఆర్మీలో చేరుతుండడం అభినందనీయమని తల్లావి చెప్పారు.