ఎందుకు ...ఏమిటీ ...ఎలా...అని పరిశోధించకుండా   " అదంతే " అనుకోవడంలో ఎంతో తృప్తి ఉంది... ఈ సూత్రానికి విరుద్ధంగా ఒక మహిళ సరదాగా టెస్ట్ డ్రైవ్ కోసం అర్లింగ్టన్ వద్ద ఒక తెలుపు మెర్సిడెస్ బెంజ్ ఎస్ యు వి కారుని తీసుకొని నడపబోయింది. అంతే... రెప్పపాటులో ఆ కొత్త  కారు వింత వింత ఒంపులు తిరుగుతూ వివిధ  విన్యాసాలు చేస్తూ బోర్లా తిరిగి మరలా నుంచొని  పలు వాహనాల్ని " ఢీ  "  కొడ్తూ నేలపై జర్రుమని ...జారుకొంటూ టపీమని పడిపోయింది. ధగ ధగ లాడే కారు క్షణాలలో బోలెడు సొట్టలతో మారిపోవడంతో సంబంధిత కార్ల విక్రయదారుడు ఏడవలేక  లబ లబలాడుతూ ఎందుకు తల్లీ  ఈ  విన్యాసాలు చేసావని ?  ఆ మహిళని ప్రశ్నస్తే... ఏదో గ్యాస్ బ్రేక్  పెడల్ పై కాలుతో అదుముదామని అనుకొన్నా...కానీ ,  యాక్సిలేటర్ మీద బలంగా కాలితో నొక్కానంతే...ఇలా జరుగుతుందని నేను అనుకోలేదు " సారీ " అని జవాబు ఇచ్చింది...ఆమె " ఢీ " కొట్టిన కార్లలో ఆమె  స్వంత కారు ఎస్యూవీ  సైతం ఉంది.