కావాల్సిన పదార్ధాలు: రెండు కప్పులు ఓట్స్, ఒక టేబుల్ స్పూన్ మినప్పప్పు, రెండు టీ స్పూన్లు శనగపప్పు, ఒక టీ స్పూన్ అల్లం ముక్కలు. కరివేపాకు, చిటికెడు ఇంగువ, ఒక టీ స్పూన్ ఆవాలు, మూడు పచ్చిమిరపకాయలు, రెండు ఎండు మిరప కాయలు, ఒక ఉల్లిపాయ, ఒక టీస్పూన్ నూనె, నాలుగున్నర కప్పులు నీరు, తగినంత ఉప్పు.

  తయారు చేసే పద్ధతి: పాన్ లో మూడు నిమిషాలపాటు ఓట్స్ వేయించి పక్కన పెట్టుకోండి. పాన్ లో అతి కొద్ది నూనె వేడిచేసి, మినప్పప్పు, శనగపప్పు, ఆవాలు, పచ్చిమిరపకాయ ముక్కలు, ఎండు మిరపకాయలు వేసి వేగనివ్వాలి. ఉల్లి, అల్లంముక్కలు, కరివేపాకు కూడా వేయాలి. ఉల్లిపాయలు వేగాక ఇంగువ, ఉప్పు కలిపి నీరు పోసి మరిగించాలి. ఓట్స్ వేసి, నీరంతా పీల్చేదాకా సన్నని సెగపై ఉడికించాలి. ఇక మీరు కోరే రుచికర ఓట్స్ ఉప్మా రెడీ. డయాబెటిక్స్ కు ఇది మంచి ఆహారం