ప్రకృతిలా స్వఛ్ఛంగా పూలలా అందంగా  
ప్రతీరోజు వికసించే సుమాల పరిమళంగా 
ప్రతీ ఉదయము ఉషోదయపు వెలుగుగా 
ప్రతి మదిలోను వికసిత హరివిల్లుగా,,,

కురిసే చిరుజల్లుల ఆహ్లాదంగా 
కమ్మని పలుకులు తేనెలూరు 
కల్మషం లేని చిరునవ్వే ఆభరణంగా 
కనుల ముందు కదలాడే అనుబంధంగా 

అందం అమాయకత్వంతో అలరించే ప్రాయం 
అహం తెలియని మనసంతా మాధుర్యం 
అపురూపం అల్లరితో మరచేటి సమయం 
అల్లుకుపోయే తీగలా ప్రేమపంచే ఆనందం,,,

స్వేచ్ఛగా ఎగిరేటి రంగుల సీతాకోక చిలుకగా
సంతోష సరాగాలతో కూడిన మధురగీతంగా 
స్వచ్చమైన మనసులతో కూడిన చిరునామాగా 
సరికొత్త ఆశలు ఆశయాలకి సరికొత్త ప్రేరణగా,,,

నెహ్రూ కన్న కలలు సాకారం చేసే దివ్వెలుగా
నేటి యుగంలో రాబోయే రోజుల ఆశాకిరణాలుగా
నవతరానికి నిర్మాతలు భావిభారత పౌరులుగా 
తల్లితండ్రుల ప్రేమకి ప్రతిరూపాలైన నవశక్తులు...

--యామిని కోళ్ళూరు ✍️