వారం రోజుల్లో 1,903 ఎలక్ట్రిక్ బైక్‌లు, స్కూటర్లను స్వాధీనం చేసుకున్న దుబాయ్ పోలీసులు

- November 21, 2026 , by Maagulf
వారం రోజుల్లో 1,903 ఎలక్ట్రిక్ బైక్‌లు, స్కూటర్లను స్వాధీనం చేసుకున్న దుబాయ్ పోలీసులు

ప్రమాదకర స్టంట్లు, నిర్లక్ష్యపు డ్రైవింగ్‌పై కఠిన చర్యలు

దుబాయ్: ప్రమాదకరంగా ఎలక్ట్రిక్ స్కూటర్లు, బైక్‌లు నడుపుతూ ప్రజల ప్రాణాలకు ముప్పు కలిగిస్తున్న వారిపై దుబాయ్ పోలీసులు కఠిన చర్యలు చేపట్టారు. ఇందులో భాగంగా కేవలం వారం రోజుల్లోనే 1,903 ఎలక్ట్రిక్ స్కూటర్లు, బైక్‌లను స్వాధీనం చేసుకున్నారు. ముఖ్యంగా యువకులు, టీనేజర్లు బహిరంగ ప్రదేశాల్లో చేస్తున్న ప్రమాదకర విన్యాసాలపై పోలీసులు ప్రత్యేకంగా దృష్టి సారించారు.

ఎలక్ట్రిక్ స్కూటర్లపై ఒకే చక్రంతో ప్రయాణించడం, ప్రమాదకరమైన స్టంట్లు చేయడం వంటి చర్యలకు దూరంగా ఉండాలని దుబాయ్ పోలీసులు హెచ్చరించారు. ఇలాంటి నిర్లక్ష్యపు ప్రవర్తన వల్ల స్కూటర్లు నడిపేవారితో పాటు పాదచారులు, పర్యాటక ప్రాంతాలకు వచ్చే సందర్శకుల ప్రాణాలకు కూడా ప్రమాదం పొంచి ఉందని పేర్కొన్నారు.

ప్రజల భద్రతను దృష్టిలో ఉంచుకుని ప్రమాదకర డ్రైవింగ్‌పై తనిఖీలు, ప్రత్యేక ఎన్‌ఫోర్స్‌మెంట్ కార్యక్రమాలను మరింత ముమ్మరం చేసినట్లు పోలీసులు తెలిపారు. ఎలక్ట్రిక్ స్కూటర్లు, బైక్‌లు వినియోగించే వారు ట్రాఫిక్ నిబంధనలను తప్పనిసరిగా పాటించాలని, ఇతరులకు ఇబ్బంది కలిగించే విధంగా విన్యాసాలు చేయకూడదని సూచించారు.

Click/tap here to subscribe to MAAGULF news alerts on Telegram

తాజా వార్తలు

- మరిన్ని వార్తలు

Copyrights 2015 | MaaGulf.com