సరదాగా ఆడుకుంటున్న ఆ ఇద్దరు చిన్నారులకు హౌతి షెల్లింగ్‌ కారణంగా తీవ్రగాయాలయ్యాయి. తొమ్మిదేళ్ళ యాహ్యా, 3 ఏళ్ళ మహ్ది ఆడుకుంటుండగా వారిపై రాకెట్‌ దాడి జరిగింది. అల్‌ హుదన్‌ గ్రామంలో ఈ ఘటన చోటుచేసుకుంది. ఈ ఘటనలో ముగ్గురు పాకిస్తానీ కార్మికులు కూడా గాయపడ్డారు. యహ్యా, నజ్రాన్‌ జనరల్‌ ఆసుపత్రిలో చికిత్స పొందుతూ ప్రాణాలు కోల్పోయాడు. మెహ్‌ది మరియు పాకిస్తానీ వలసదారుడు కింగ్‌ ఖాలిద్‌ ఆసుపత్రిలో చేరారు. మెహది మొహంపై గాయాలయ్యాయి. ప్రస్తుతం అతని ఆరోగ్య పరిస్థితి నిలకడగా ఉంది. పాకిస్తానీ వలసదారుడి పరిస్థితి విషమంగా ఉంది. గత పది రోజుల్లో నజ్రాన్‌లో మృతి చెందినవారి సంఖ్య 10కి చేరుకుంది. ఇందులో ఐదుగురు సిటిజన్స్‌ ఉన్నారు. 14 మంది గాయాల పాలయ్యారు. ఇరాన్‌ ప్రోత్సాహంతో హౌతి మిలిటెంట్లు ప్రజల ఎక్కువగా ఉన్న ప్రాంతాల్లో దాడులు చేస్తున్నారు. స్కూళ్ళపైన కూడా వీరు జాలి చూపించడంలేదు.