షార్జా మునిసిపాలిటీ కార్లను వేలం వేయనుంది. 350కి పైగా వాహనాలు ఆక్షన్‌ లాట్‌లో చర్చబడ్డాయి. ఈ వాహనాల్ని కొనుగోలు చేయాలనుకునేవారు షార్జా మునిసిపాలిటీని సంప్రదించాలని అధికారులు తెలిపారు. మొత్తం కార్ల విలువ 700,000 దిర్హామ్‌లు ఉంటుందని షార్జా మునిసిపాలిటీ ఇంపౌండ్‌ వెహికిల్‌ డివిజన్‌ హెడ్‌ అలి హసన్‌ తెలిపారు. ఈ కార్లకు సంబంధించి సొంతదారుగా ఎవరూ ముందుకు రానందున వీటిని ఆక్షన్‌కి సిద్ధం చేశామని వివరించారాయన. క్లోజ్‌డ్‌ ఎన్వలప్స్‌ ద్వారా బిడ్డింగ్‌కి అవకాశం కల్పిస్తుంది మునిసిపాలిటీ. సైహ్‌ అల్‌ లబ్సా ఏరియాలో వాహనాల్ని అందుబాటులోకి ఉంచారు. బిడ్డర్‌ ఎవరైనాసరే మొత్తం విలువలో 10 శాతం మొత్తానికి గ్యారంటీ రూపంలో చెక్‌ ద్వారా పేమెంట్‌ చేయాల్సిన అవసరం ఉంటుందని అధికారులు తెలిపారు.