ఒమన్‌ ప్రతిరోజూ 12 టన్నుల మెడికల్‌ వేస్ట్‌ని జనరేట్‌ చేస్తోందని అవెర్దా అనే సంస్థ వెల్లడించింది. హెల్త్‌ కేర్‌ రంగంలో అభివృద్ధి ఆహ్వానించదగ్గదే అయినా, ఆసుపత్రులు మెడికల్‌ వేస్ట్‌ విషయంలో నిర్లక్ష్యం వహిస్తుండడం ఆందోళన కరమని అవెర్దా వెల్లడించింది. ఒమన్‌లో మెడికల్‌ వేస్ట్‌ని ట్రీట్‌ చేస్తున్న సంస్థ అవెర్దా మాత్రమే. అమెరాత్‌, లివాలో రెండు చోట్ల మెడికల్‌ వేస్ట్‌ని ట్రీటింగ్‌ చేస్తోంది ఈ సంస్థ. ఒక నెలలో 360 టన్నుల మెడికల్‌ వేస్ట్‌ జనరేట్‌ అవుతుందని అవెర్దా సంస్థ వెల్లడించింది. బాడీ ఫ్లూయిడ్స్‌, రక్తం, రక్తానికి సంబంధించిన ప్రోడక్ట్స్‌, రసాయనాలు, వాడేసిన కేథరెట్స్‌, గ్లోవ్స్‌, నీడిల్స్‌, సోయిల్డ్‌ డ్రెస్సింగ్స్‌, మెడికల్‌ డివైసెస్‌ (వైరస్‌, బ్యాక్టీరియా కలిగి ఉన్నవి) వంటివి మెడికల్‌ వేస్ట్‌లో ఎక్కువగా ఉంటాయి. ఈ వేస్ట్‌ మొత్తాన్ని 800 డిగ్రీల సెంటీగ్రేట్‌ ఉష్ణోగ్రతలో కాల్చివేస్తారు. మొత్తం 40 వాహనాల్లో 120 మందితో మెడికల్‌ వేస్ట్‌ని వివిధ ఆసుపత్రులు, క్లినిక్‌ల నుంచి తరలిస్తుంటారు. వేస్ట్‌ ట్రీటింగ్‌ కారణంగా ఎలాంటి కాలుష్యం లేకుండా అత్యున్నత సాంకేతిక ప్రమాణాల మధ్య నిర్వహణ జరుగుతుందని అవెర్దా సంస్థ ప్రతినిథులు చెప్పారు.