వశిష్ఠ సినీ అకాడమీ బ్యానర్‌పై రజిత్‌, షామిలి, నిషా ప్రధాన తారాగణంగా రూపొందుతున్న చిత్రం 'శ్రీరామరక్ష'. రాము దర్శకత్వంలో తెరకెక్కుతున్న ఈ చిత్రాన్ని ప్రభాత్‌వర్మ నిర్మిస్తున్నారు. హైదరాబాద్‌లో చిత్ర బృందం ఈ సినిమా ఫస్ట్‌లుక్‌ని విడుదల చేశారు. ఒక పాట మినహా చిత్రీకరణ మొత్తం పూర్తయింది. మంచి ఫ్యామిలీ ఎంటర్‌టైనర్‌గా రూపొందుతున్న ఈ చిత్రంలో సామాజిక బాధ్యతను తెలియజేసే అంశం నేపథ్యంలో కథనం సాగుతుంది. సెప్టెంబర్‌లో ఆడియో విడుదల చేసేందుకు చిత్రబృందం సన్నాహాలు చేస్తోంది. కాశీ విశ్వనాథ్‌, శంకరాభరణం రాజ్యలక్ష్మి, షఫీ, జ్యోతి, విజయ్‌కుమార్‌లు కీలక పాత్రల్లో నటిస్తున్నారు.