దసరా పండుగను పురస్కరించుకుని తెలంగాణ అసోసియేషన్ ఆఫ్ సౌత్ ఆఫ్రికా (టాసా) ఆధ్వర్యంలో బతుకమ్మ సంబరాలను నిర్వహించనున్నట్టు ఆ సంస్థ ప్రతినిధులు ఇవాళ ఒక ప్రకటనలో తెలియజేశారు. సౌతాఫ్రికాలోని మిడ్‌ర్యాండ్ సిటీ, నూర్డ్‌విక్ సేజ్‌వుడ్ స్కూల్‌లో ఈ సంబరాలను నిర్వహించనున్నామని వారు తెలిపారు. అక్టోబర్ 8వ తేదీన శనివారం మధ్యాహ్నం 2 గంటల నుంచి ఉత్సవాలను నిర్వహించనున్నట్టు పేర్కొన్నారు. 

ఈ సంబరాలకు రాష్ట్ర సాంస్కృతిక సారథి చైర్మన్, ఎమ్మెల్యే రసమయి బాలకిషన్ ముఖ్య అతిథిగా హాజరు కానున్నారని అన్నారు. సంబరాల్లో భాగంగా ఔత్సాహిక మహిళలకు వ్యక్తిగత, గ్రూప్ విభాగాల్లో బతుకమ్మ పోటీలను నిర్వహించనున్నామని, గెలుపొందిన విజేతలకు ప్రథమ, ద్వితీయ, తృతీయ బహుమతులను అందజేస్తామని అన్నారు.