రెసిడెంట్స్‌ అలాగే సంస్థలు ఛారిటీ కోసం వసూళ్ళను అక్రమంగా చేపడితే జైలు శిక్ష ఎదుర్కోవాల్సి రావొచ్చు. ఆస్ట్రేలియా - బ్రిటిష్‌ నేషనల్‌ ఒకర్ని దుబాయ్‌ పోలీసులు ఇదే కేసులో అరెస్ట్‌ చేశారు. ఇస్లామిక్‌ ఎఫైర్స్‌ మరియు చారిటబుల్‌ యాక్టివిటీస్‌ డిపార్ట్‌మెంట్‌ (ఐఎసిఎడి) ఈ మేరకు స్పష్టమైన హెచ్చరికలు జారీ చేసింది. అరెస్టయిన వ్యక్తి పేరు స్కాట్‌ రిచార్డ్స్‌. యూఎస్‌ రిజిస్టర్డ్‌ ఛారిటీ కార్యక్రమాన్ని ప్రమోట్‌ చేస్తూ, ఫేస్‌ బుక్‌ ద్వారా ఫండ్‌ రెయిజింగ్‌ని ప్రారంభించి దొరికిపోయాడు. బెయిల్‌పై ఆయన్ను విడుదల చేసినట్లు తెలియవస్తోంది. నిబంధనలకు విరుద్ధంగా ఛారిటీ పేరుతో అక్రమ వసూళ్ళకు పాల్పడితే 5000 నుంచి 100,000 దిర్హామ్‌ల వరకు జరీమానాతోపాటు ఏడాది జైలు శిక్ష కూడా ఎదుర్కోవాల్సి వస్తుందని చట్టం చెబుతోంది. ఛారిటీ కార్యక్రమాలు చేపట్టాలనుకునేవారెవరైనాసరే నిబంధనల్ని పరిగణనలోకి తీసుకోవాల్సి ఉంటుంది.