దుబాయ్‌ ఎయిర్‌పోర్ట్స్‌ ఎంప్లాయీ ఒకరు, యూఏఈ వైస్‌ ప్రెసిడెంట్‌ మరియు ప్రైమ్‌ మినిస్టర్‌ మరియు దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌ దుబాయ్‌ ఎయిర్‌పోర్ట్‌ని సందర్శించిన సమయంలో ఫోన్‌లో బిజీగా ఉంటూ విధులను పక్కన పడేశారంటూ సోషల్‌ మీడియా వేదికగా జరుగుతున్న చర్చకు దుబాయ్‌ ప్రభుత్వ మీడియా ఆర్మ్‌ ఫుల్‌స్టాప్‌ పెట్టింది. ఆ ఉద్యోగి తన విధుల్లో బిజీగా ఉన్నాడనీ, ఫోన్‌లో టైమ్‌ పాస్‌ చేస్తున్నాడని జరుగుతున్న ప్రచారం ఉత్తదేనని తేల్చి చెప్పింది. అతని ఉద్యోగాన్ని పోగొట్టినట్లుగా వచ్చిన వార్తల్ని కూడా ఖండించింది. సదరు ఉద్యోగి, ఓ ప్రయాణీకుడి పాస్‌పోర్ట్‌ మరియు ఎంట్రీ స్టాంప్‌ని వెరిఫై చేస్తున్నాడని తెలిపింది.