తమన్నా, ప్రభుదేవా, సోనూసూద్‌ ప్రధాన పాత్రల్లో రూపుదిద్దుకుంటున్న చిత్రం 'అభినేత్రి'. ఈ చిత్రం ట్రైలర్‌ను సెప్టెంబరు 11న సాయంత్రం ఆరు గంటలకు విడుదల చేయనున్నట్లు చిత్ర బృందం సోషల్‌మీడియా ద్వారా తెలిపింది. ఈ సందర్భంగా కొత్త పోస్టర్‌ను అభిమానులతో పంచుకుంది. ఎ.ఎల్‌. విజయ్‌ దర్శకత్వం వహిస్తున్న ఈ చిత్రంలో అమీజాక్సన్‌, ఫరాఖాన్‌ అతిథి పాత్రల్లో కనిపించనున్నారు. ఎం.వి.వి. సత్యనారాయణ నిర్మాతగా వ్యవహరిస్తున్న ఈ చిత్రాన్ని కోనా వెంకట్‌ సమర్పిస్తున్నారు. అక్టోబరు 7న 'అభినేత్రి' చిత్రాన్ని ప్రేక్షకుల ముందుకు తీసుకువస్తున్నారు.