హీరో శ్రీకాంత్ తనయుడు రోషన్ హీరోగా నటించిన నిర్మలా కాన్వెంట్ చిత్రం ఆడియో లాంచ్ గురువారం హైదరాబాద్ ఎన్ కన్వెషన్ సెంటర్లో ఘనంగా జరిగింది. ఈ ఫంక్షన్ లో శ్రీకాంత్ కుటుంబ సభ్యులతో బాటు ప్రముఖ నటుడు నాగార్జున, పారిశ్రామికవేత్త నిమ్మగడ్డ ప్రసాద్, నిర్మాత అల్లు అరవింద్, హీరోయిన్ శ్రేయా శర్మ తదితరులు పాల్గొన్నారు.
తొలి సీడీ ని నిమ్మగడ్డ ప్రసాద్ ఆవిష్కరించి అల్లు అరవింద్ కు అందజేశారు. యువ నటులను ప్రోత్సహించడంలో అల్లు అరవింద్ ఎప్పుడూ ముందుంటారని, ఈ మూవీలో తాను ఓ కీలక రోల్ లో నటించానని అన్నారు నాగ్. రొమాంటిక్, కామెడీ చిత్రమైన నిర్మలా కాన్వెంట్ ని నాగ్, నిమ్మగడ్డ ప్రసాద్ స్వయంగా ప్రొడ్యూస్ చేశారు.దర్శకుడు నాగ కోటేశ్వర రావు. వచ్చే నవంబరు 21 న విడుదల కానుంది.