తల్లిదండ్రులే ఆ యువతి పాలిట శాపంగా మారారు. తమ కన్నబిడ్డ 18 ఏళ్ల టీనేజ్ యువతి నగ్న ఫోటోలను స్వయంగా తల్లిదండ్రులే ఫేస్‌బుక్‌లో పెట్టేసిన ఘటన ఆస్ట్రియాలో చోటుచేసుకుంది. 18 ఏళ్ల యువతి ఓ యువకుడితో అన్యోన్యంగా గడుపుతున్న చిత్రాలు, మంచంపై నగ్నంగా పడుకున్న చిత్రాలను ఆమె పర్మిషన్ లేకుండానే.. ఆమె తల్లిదండ్రులే ఫేస్ బుక్‌లో పెట్టేశారు.2009వ సంవత్సరం నుంచి ఇప్పటివరకు తన కూతురు అశ్లీలంగా ఉన్న 500 చిత్రాలను ఫేస్‌బుక్‌లో పెట్టి ఆయా నగ్న చిత్రాలను తమ 700 మంది స్నేహితులకు షేర్ చేసిన సంఘటన అందరినీ కలవరానికి గురిచేసింది. ఈ ఫోటోలతో తన పరువు తీశారని సదరు యువతి ఆవేదన వ్యక్తం చేసింది.తన అశ్లీల ఫోటోలను తొలగించమని తాను ఎన్నిసార్లు కోరినా తన తండ్రి వాటిని తొలగించకపోగా, ఆ ఫోటోలు పెట్టే హక్కు తండ్రిగా తనకు ఉందని చెప్పాడని ఆ యువతి వాపోయింది.దీనిపై సదరు బాధిత యువతి తన తల్లిదండ్రులపై కోర్టుకు వెళ్లింది. ఈ కేసు విచారణ నవంబరులో జరుగనుంది.