కడలి
- August 07, 2015
ఒంటరిగా
సముద్రపుటొడ్డున
నిలుచుంటే
ఉవ్వెత్తుగా
ఎగిరిపడే
కెరటాలు
అందంగా కనిపిస్తాయి
ఒక్కొక్క అలా
వేగంగా వచ్చి
ఒడ్డును తాకి
మనుగడను
కోల్పోతుంది
నురగలు
కక్కుతూ వచ్చి
నిస్తేజమైపోతుంది
అలా అని భ్రమించి
లోపలికి దిగితే
పలుకరిస్తున్నట్లే
కౌగిలించుకున్నట్లే
అన్పిస్తుంది
ఆపైన అమాంతం
మింగేస్తుంది
కన్నీటిని
ఎందుకని
కడలితో పోలుస్తారు
శోకసంద్రం అని
సమాసంగా చెప్తారు
వెన్నెల రాత్రి
ఒంటరిగా
సముద్రపు
ఒడ్డున
కూర్చుంటే
ఎంత ప్రేమగా
పలకరిస్తుందో
అన్ని ఆలోచనలకు
తను సాక్షిగా
నిలబడుతుందో
యువతీ యువకులు
కేరింతలు కొడ్తూంటే
తన బాహుకెరటాలతో
స్వాగతం పలుకుతుంది
కానీ మితిమీరిన
విశ్వాసంతో
తన గర్భంలోకి
చొచ్చుకువస్తే
సింహంలా
ఆవులిస్తుంది
గుటుక్కున
మింగేస్తుంది
తుపాను వచ్చినా
సునామీ వచ్చినా
కడలి రూపం
కడు భయంకరం
తనను తాను శాసించుకొని
అక్కడనే ఆగిపోయే
సముద్రం అప్పుడు
కాలభైరవుడవుతుంది
మనిషికీ పశువుకూ
తేడా చూపకుండా
కబళిస్తుంది
ప్రకృతి శాంతానికి
ప్రకృతి విలయానికి
సముద్రం
సంకేతం
డా|| మాదిరాజు రామలింగేశ్వర రావు, మచిలీపట్నం
తాజా వార్తలు
- ప్రైవేటు స్కూళ్ల ఫీజులపై సీఎం విజయ్ కీలక నిర్ణయం
- కెమెరాల వినియోగంపై షేక్ హమ్దాన్ కొత్త తీర్మానం
- సౌదీ అరేబియాకు భారత తదుపరి రాయబారిగా విపుల్ నియామకం
- లోక్ భవన్లో సిక్కిం, గోవా, తెలంగాణ రాష్ట్రాల ఆవిర్భావ దినోత్సవ వేడుకలు
- చండీగఢ్లో విద్యుత్ సంప్రదింపుల కమిటీ సమావేశంలో పాల్గొన్న ఎంపీ వల్లభనేని బాలశౌరి
- కువైట్: జైలు నుంచి పరారైన ముగ్గురు ఖైదీల అరెస్ట్..
- ఘనంగా తెలంగాణ ఆవిర్భావ దినోత్సవ వేడుకలు
- తెలంగాణలో పొత్తులపై తేల్చి చెప్పిన పవన్ కల్యాణ్..
- జాతీయ పురోగతికి ఆరోగ్య సంరక్షణే కేంద్రబిందువు: గవర్నర్ అబ్దుల్ నజీర్
- తెలంగాణ అభివృద్ధిలో పోలీసుల పాత్ర కీలకం: సైబరాబాద్ సీపీ డా.ఎం.రమేష్
